ភ្នំពេញ: ខណៈប្រទេសមួយចំនួនទោះបីមានលុយក៏ដោយតែមិនអាចរកទិញវ៉ាក់សាំងបាន ផ្ទុយទៅវិញប្រទេសកម្ពុជាបានក្លាយជាប្រទេសមួយដែលចាក់ វ៉ាក់សាំងជូនប្រជាជនបានច្រើនជាងគេនិងមានវ៉ាក់សាំងបង្ការជំងឺកូវីដ-១៩ គ្រប់គ្រាន់សម្រាប់ចាក់ជូនប្រជាពលរដ្ឋ។ ឥឡូវនេះ ប្រទេសកម្ពុជាបាននឹងកំពុងចាក់ដូសទី ៣ ដល់ក្រុមជួរមុខបន្ថែមទៀតដែលនេះកើតចេញពីកិច្ចខិតខំប្រឹងប្រែងរបស់សម្តេចតេជោ ហ៊ុន សែនដែលមាននាក់ទំនងល្អជាបុគ្គល និងជាអន្តរជាតិ នេះបើយោងតាមការលើកឡើងរបស់លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន នៅក្នុងពិធីបិទសិក្ខាសាលាស្តីពីការបញ្ជ្រាបការយល់ដឹងដើម្បីការពារ និងទប់ស្កាត់ការ រីករាលដាលនៃជំងឺកូវីដ-១៩ កាលពីថ្ងៃទី ២៤ ខែសីហា ឆ្នាំ២០២១។

គួរបញ្ជាក់ផងដែរថាការទិញវ៉ាក់សាំង មកចាក់ជូនប្រជាជនប្រមុខរាជរដ្ឋាភិបាលបានចំណាយថវិកា អស់រាប់រយលានដុល្លា។ នៅក្នុងពិធីបិទសិក្ខាសាលាស្តីពីការបញ្ជ្រាបការយល់ដឹងដើម្បីការពារ និងទប់ស្កាត់ការ រីករាលដាលនៃជំងឺកូវីដ-១៩ ក៏មានការពន្យល់បកស្រាយនូវរាល់វិធានការ ការពារ ទប់ស្កាត់ ការព្យាបាល និងវិធីសាស្រ្តនានាជាច្រើន ជាពិសេសការលើកទឹកចិត្តដល់គ្រួសារ បងប្អូនដែលឆ្លងជំងឺកូវីដ-១៩ ហើយត្រូវតែ ប្រឹងប្រែងអនុវត្តន៏ តាមការណែនាំរបស់ក្រសួងសុខាភិបាល និងការហាត់ប្រាណជាប់ជាប្រចាំ និងកុំអោយមានការបាក់ទឹកចិត្តអោយសោះ៕